Instituti Kombëtar i Shëndetësisë Publike njofton se fëmijët që regjistrohen në çerdhe, kopshte dhe shkolla fillore duhet të pajisen me dëshmi të vaksinimit, që tregon se janë vaksinuar sipas moshës në momentin e regjistrimit.

Në njoftim thuhet se kjo masë ka për qëllim mbrojtjen e shëndetit të fëmijëve nga sëmundjet ngjitëse, transmeton Arbresh.info.

Njoftimi i plotë:

Në përputhje me Ligjin nr. 08/L-200 për Parandalimin dhe Kontrollin e Sëmundjeve Ngjitëse, Udhëzimin Administrativ nr. 05/2025 për Imunoprofilaksë dhe Kimoprofilaksë, Udhëzimin Administrativ (MASHTI) nr. 09/2023 për Regjistrimin e Fëmijëve në klasën e parë, Udhëzimin Administrativ (MASHTI) nr. 03/2022 për Përfshirjen e Fëmijëve në Institucione Parashkollore në Kosovë, si dhe Qarkoren Informative të Ministrisë së Shëndetësisë nr. 05/2025, njoftojmë se:

Fëmijët që regjistrohen në çerdhe, kopshte dhe shkolla fillore duhet të pajisen me dëshmi të vaksinimit, që tregon se janë vaksinuar sipas moshës në momentin e regjistrimit.

Kjo masë ka për qëllim mbrojtjen e shëndetit të fëmijëve dhe të gjithë komunitetit shkollor, duke parandaluar përhapjen e sëmundjeve ngjitëse dhe duke siguruar një mjedis të sigurt arsimor dhe edukativ për të gjithë.

Prindërit që kanë pyetje apo nevojë për sqarime, mund të kontaktojnë Qendrën e Mjekësisë Familjare më të afërt për ndihmë dhe këshillim të mëtejshëm.

Mbrojtja e shëndetit të fëmijëve është përgjegjësi e përbashkët për të gjithë ne!/Arbresh.info